• कधी असं कधी तसं... ( एका एकतर्फी प्रेमाची कथा. )

-


कधी असं कधी तसं... काहीही करुन तिच्या नजरेत भरण्याचा प्रयत्न करणाऱ्या एका चांगल्या तरुणाची ही प्रेम कथा.
एकतरफी प्रेमाची हसरी गुंफण घालणारा हा एक प्रयत्न !
त्याने कितीही प्रयत्न केला तरी ......... कधी असं कधी तसं
पण काय करणार ? Impression पडतच नाही कधी !!
(कडव्यातील शब्द सलग म्हटलेत तर चांगली लय येइल...Brithless Song सारख.)

कधी असं कधी तसं... !!

कधी असं कधी तसं
तुला चोरुन पहावं
तू बघताच मग
माग वळुन बघावं !

कधी असं कधी तसं
तुझ्या संगती चालाव
तू थांबताच मग
म्होरं चालत रहावं !

कधी असं कधी तसं
तुला बघुन हसावं
मी बघताच तुला
तू नाक मुरडावं !

कधी असं कधी तसं
तुझ्या वाटेत थांबाव
वाट बघत तुझी मी
घर विसरुनी जावं !

कधी असं कधी तसं
फार कूसं पालटावं
कुणी मारताच हाकं
खोट खोट ग निजावं !

कधी असं कधी तसं
घरा इथुन फिरावं
तु येताच बाहेर
तुला हात ग जोडावं !

कधी असं कधी तसं
तुझ्या बाबांनी बघावं
त्यांनी येवुन तिथं
माझा कान पेटवावं !

कधी असं कधी तसं
तुला अखेर बघावं
मान खालती घालुन
मी पाठी परतावं !

कधी असं कधी तसं
ते क्षण आठवावं
आठवत तुला मग
दोन अश्रू ग ढाळावं !

कधी असं कधी तसं
मन फार हेलवावं
ते हसत म्हणाव
तुझं अस कस व्हावं ?




-चैत.

Comments

Post a Comment

Popular posts from this blog

• म्हणुनच म्हणतो एक्दातरी बघ तिला सांगुन !!

-
Image
कधी कधी कोणासाठी असलेले आपले शब्द मनातच रहातात.कधी ते ओठांपर्यन्त येतात पण तिथेच अडतात. कधी प्रयत्न करतो पण धाडस होत नाही .असेचकाहीसे 'दुसरी'कडेही होत असेल..शेवटी तेच शब्द मुके होतात. आणि म्हणुनच... म्हणुनच म्हणतो एक्दातरी बघ तिला सांगुन ! किती दिवस पहाणार तिला तू खिडकीतुन तोही गुलाब जाइल एक दिवस कोमेजुन राहशील फक्त तू जगशील मरुन मरुन म्हणूनच म्हणतो एकदातरी बघ तिला सांगून ! किती दिवस बोलणार तू पडद्या आडुन पोहोचवशील जरी भावना तिला दुसऱ्यांकडुन "थॅंक्स!" म्हणेल तूला ती त्याचाच हात धरुन म्हणूनच म्हणतो एकदातरी बघ तिला सांगून ! किती दिवस घालवणार तू वायफळ बोलुन बोलायला जाता एक वेगळाच विषय काढुन एवढ्यात जाईल कोणतरी तेच तिला विचारुन म्हणूनच म्हणतो एकदातरी बघ तिला सांगून ! रोज रोज देशील एसएमएस तू पाठवुन आतुरतेने हसत तॊ काढेल ती वाचुन मेमरी फुल झाली की टाकेल डिलीट करुन म्हणूनच म्हणतो एकदातरी बघ तिला सांगून ! तुझा एक एक गुलाब ठेवील ती साठवुन एक दिवस येईल गुलकंदाची बरणी घेवुन लग्न ठरतय म्हणत जाईल ती निघुन म्हणूनच म्हणतो एकदातरी बघ तिला सांगून ! किती दिवस थांबणार तू बोलल्या वाचुन
Read more

• आनंदी आनंदे...ते चारोळे

-
आनंदीला आनंद म्हणे, जाऊ नको तू ये ईकडे, पाहू नको तू चोहीकडे, आपण खाऊ हे चारोळे. आनंदी लाडात म्हणे, बाजुला आहेत 'कावळे', बघुन त्यांना मी घाबरते, कसे खाऊ मी हे चारोळे. मी असता तू का घाबरते, चल जाऊ आपण दुसरीकडे, तिथे न तु त्यांना दीसे, मग खाऊ आपण हे चारोळे. नको नको आतां राहुंदे, झाली वेळ आता मी निघते, उद्या भेटु आपण मग तिकडे, मग खाऊ हे चारोळे. उद्या म्हणता दिवस सरले, रोज नवीन तिचे बहाणे, त्याचे त्यालाच कळून चूकले, आपणच खाल्ले...... ते चारोळे! -चैत
Read more