• अस हे स्वप्न स्वप्नच रहावं !!

-



प्रस्तुत कवितेत त्याच्या आणि तिच्या मनातिल भावना व्यक्त करण्याचा प्रयत्न केला आहे.
दोघेही एकमेकांची स्वप्न पहात असतात. स्वप्नातच भेटत असतात. पण कधी कधी ऐन रंगात आलेल
स्वप्न.... स्वप्नच रहात....पण त्यातही एक प्रकारचा गोडवा असतो.. नही का?
त्यामुळॆ नेहमीच वाटत रहात...

अस हे स्वप्न स्वप्नच रहावं !!


वाटतं सुंदर पिसा सारख वाऱ्यासंगे उडावं
गार लहरीत डोळ्यांना मिटावं
हात पसरून मन हलकं करावं
शांत झोके खात मग खाली यावं
तिच्या खांद्यावर डोकं ठेवावं


तिनं मग त्याला हातात घ्यावं
लागलं तर नाहीना म्हणत हळूवार फुंकरावं
फिरवत हात मग कुरवाळत बसावं
कुणी बघेल म्हणुन त्याला दडवावं
पुस्तकात त्याला मग ठेवुन द्यावं
रात्री झोपताना पुस्तक उघडावं
डोळेभरुन त्याला पहावं
त्याला बघता बघताच थोडसं हसावं
हसता हसताच काहीतरी पुट्पुटावं
नकळत डोळ्यांनाही ते जाणवावं
डोळे बंद करुन ह्र्दयाशी धरावं
ओठांवरुन त्याला अलगद फिरवावं
"स्वप्नात येशील का?" म्हणुन त्याला विचारावं
त्याचच स्वप्नात तिनं हरवावं
त्याच्या बरोबर मग दुःख विसरावं
डोक ठेवुन तिनं निर्भयपणे निजावं..
साखर झोपेत तिला कुणीतरी हलवावं
गोड स्वप्न ते झपकन तुटावं
पुस्तकात बघत तिनं हसत हसत म्हणावं

अस हे स्वप्न स्वप्नच रहावं...



-चैत.

Comments

Post a Comment

Popular posts from this blog

• म्हणुनच म्हणतो एक्दातरी बघ तिला सांगुन !!

-
Image
कधी कधी कोणासाठी असलेले आपले शब्द मनातच रहातात.कधी ते ओठांपर्यन्त येतात पण तिथेच अडतात. कधी प्रयत्न करतो पण धाडस होत नाही .असेचकाहीसे 'दुसरी'कडेही होत असेल..शेवटी तेच शब्द मुके होतात. आणि म्हणुनच... म्हणुनच म्हणतो एक्दातरी बघ तिला सांगुन ! किती दिवस पहाणार तिला तू खिडकीतुन तोही गुलाब जाइल एक दिवस कोमेजुन राहशील फक्त तू जगशील मरुन मरुन म्हणूनच म्हणतो एकदातरी बघ तिला सांगून ! किती दिवस बोलणार तू पडद्या आडुन पोहोचवशील जरी भावना तिला दुसऱ्यांकडुन "थॅंक्स!" म्हणेल तूला ती त्याचाच हात धरुन म्हणूनच म्हणतो एकदातरी बघ तिला सांगून ! किती दिवस घालवणार तू वायफळ बोलुन बोलायला जाता एक वेगळाच विषय काढुन एवढ्यात जाईल कोणतरी तेच तिला विचारुन म्हणूनच म्हणतो एकदातरी बघ तिला सांगून ! रोज रोज देशील एसएमएस तू पाठवुन आतुरतेने हसत तॊ काढेल ती वाचुन मेमरी फुल झाली की टाकेल डिलीट करुन म्हणूनच म्हणतो एकदातरी बघ तिला सांगून ! तुझा एक एक गुलाब ठेवील ती साठवुन एक दिवस येईल गुलकंदाची बरणी घेवुन लग्न ठरतय म्हणत जाईल ती निघुन म्हणूनच म्हणतो एकदातरी बघ तिला सांगून ! किती दिवस थांबणार तू बोलल्या वाचुन ...
Read more

• आनंदी आनंदे...ते चारोळे

-
आनंदीला आनंद म्हणे, जाऊ नको तू ये ईकडे, पाहू नको तू चोहीकडे, आपण खाऊ हे चारोळे. आनंदी लाडात म्हणे, बाजुला आहेत 'कावळे', बघुन त्यांना मी घाबरते, कसे खाऊ मी हे चारोळे. मी असता तू का घाबरते, चल जाऊ आपण दुसरीकडे, तिथे न तु त्यांना दीसे, मग खाऊ आपण हे चारोळे. नको नको आतां राहुंदे, झाली वेळ आता मी निघते, उद्या भेटु आपण मग तिकडे, मग खाऊ हे चारोळे. उद्या म्हणता दिवस सरले, रोज नवीन तिचे बहाणे, त्याचे त्यालाच कळून चूकले, आपणच खाल्ले...... ते चारोळे! -चैत
Read more